Uric Acid: યુરિક એસિડ હાઈ રહેતું હોય એ લોકો કઈ કઈ દાળ ન ખાવી ? જાણી લો

Uric Acid: હાઈ યુરિક એસિડ એવી સ્થિતિ છે જેમાં શરીરમાં યુરિક એસિડ લેવલ સામાન્ય કરતા વધી જાય છે. આ સ્થિતિમાં સાંધામાં દુખાવો, સોજો અને ગાઉટ જેવી તકલીફો થઈ શકે છે. યુરિક એસિડ લેવલને કંટ્રોલમાં રાખવું હોય તો આહાર પર ધ્યાન આપવું જરૂરી છે. ખાવાપીવાની કેટલીક વસ્તુઓ એવી છે જે હેલ્ધી હોવાથી છતાં પણ યુરિક એસિડ વધારી શકે છે. જે લોકોનું યુરિક એસિડ વધારે રહેતું હોય તેમણે આ વસ્તુઓ ખાવાનું ટાળવું જોઈએ. 

આ પણ વાંચો: Vitamin B12: દહીંમાં આ વસ્તુ મિક્સ કરી ખાવાનું શરુ કરી દો, ઝડપથી વધશે વિટામિન B12

દાળ અને કઠોળ આપણા શરીર માટે જરૂરી અને ફાયદાકારક છે. પરંતુ કેટલીક દાળ એવી હોય છે જે યુરિક એસિડને વધારી શકે છે. તેથી જે લોકોને યુરિક એસિડ વધારે રહેતું હોય તેમણે આ દાળ ખાવી નહીં. 

યુરિક એસિડ શરીરમાં કેવી રીતે બને ?

આ પણ વાંચો: Bhang: કોઈને ભાંગ ચઢી જાય તો અપનાવો આ ટીપ્સ, થોડીવારમાં જ ઉતરી જશે ભાંગની અસર

શરીરમાં યુરિનના તૂટવાથી યુરિક એસિડ બને છે. પ્યુરીન એક પ્રકારનું યૌગિક હોય છે જે કેટલાક ફૂડમાં હોય છે. જ્યારે પ્યુરીન લેવલ વધી જાય છે તો યુરિક એસિડ લેવલ પણ વધી જાય છે. તેથી એવી વસ્તુઓ ખાવાનું ટાળવું જોઈએ જેમાં પ્યુરીન વધારે હોય. 

યુરિક એસિડ વધારે રહેતું હોય તેમણે કઈ દાળ ન ખાવી ?

આ પણ વાંચો: Betel Leaf: વર્ષો જૂની કબજિયાત આ પાનથી મટી જશે, જાણી લો ક્યારે ખાવું અને કેવી રીત ?

1. મસૂરની દાળમાં પ્યુરીનની માત્રા વધારે હોય છે. નિયમિત રીતે મસૂરની દાળ ખાવાથી યુરિક એસિડ લેવલ વધી જાય છે. મસૂરની દાળ પ્રોટીન અને ફાઇબરનો સારો સોર્સ છે પરંતુ જે લોકોને યુરિક એસિડ હોય તેમણે મર્યાદિત માત્રામાં જ આ દાળ ખાવી. 

2. અડદની દાળ પણ પ્યુરીનથી ભરપૂર હોય છે. તેનાથી ગાઉટ અને યુરિક એસિડની સમસ્યા વધી શકે છે. 

3. ચણાની દાળમાં પણ પ્યુરીનની માત્રા વધારે હોય છે અને તે હાઈ યુરિક એસિડ વાળા લોકો માટે સમસ્યાનું કારણ બની શકે છે. 

આ પણ વાંચો: હવે પડશે અતિશય ગરમી, લૂ થી બચવા પાણી પીવાની સાથે આ વાતનું ધ્યાન રાખવું પણ જરુરી

4. રાજમા પ્યુરીનથી ભરપૂર હોય છે. નિયમિત રીતે રાજમા ખાવાથી યુરિક એસિડ લેવલ વધી શકે છે અને સાંધામાં દુખાવો તેમજ સોજો આવી શકે છે. 

યુરિક એસિડમાં કઈ દાળ ખાઈ શકાય ?

આ પણ વાંચો: Kidney : કિડની ફેલ થતા પહેલા શરીરમાં દેખાય છે આ 6 લક્ષણો, ઈગ્નોર કરશો તો મર્યા સમજો

- મગની દાળ પાચનમાં હળવી હોય છે અને તેમાં પ્યુરિન પણ ઓછું હોય છે તેથી આ દાળ ખાવી સુરક્ષિત છે. 

- મર્યાદિત માત્રામાં તુવેરની દાળનું સેવન પણ કરી શકાય છે કારણ કે તેમાં પ્યુરીન ઓછું હોય છે. 

(Disclaimer: અહીં આપવામાં આવેલી માહિતી સામાન્ય માન્યતાઓ અને જાણકારી પર આધારિત છે. ZEE 24 કલાક તેની પુષ્ટિ કરતું નથી.)