BJP President: તો થઈ ગયું ફાઇનલ! ભાજપને ક્યારે મળશે નવા રાષ્ટ્રીય અધ્યક્ષ! રેસમાં આ નામ ટોપ પર

BJP President Update News: ભારતીય જનતા પાર્ટી (ભાજપ) માં સંગઠનાત્મક ચૂંટણીઓ લગભગ પૂર્ણ થઈ ગઈ છે અને હવે પાર્ટી ટૂંક સમયમાં તેના નવા રાષ્ટ્રીય અધ્યક્ષના નામની જાહેરાત કરી શકે છે.  10 જુલાઈના રોજ પ્રધાનમંત્રી નરેન્દ્ર મોદીના વિદેશ પ્રવાસ પરથી પાછા ફર્યા પછી અંતિમ નિર્ણય લેવામાં આવે તેવી શક્યતા છે. ભાજપના નવા રાષ્ટ્રીય અધ્યક્ષ માટે 5 થી 6 નામોની ચર્ચા થઈ રહી છે પરંતુ મનોહર લાલ ખટ્ટર અને ભૂપેન્દ્ર યાદવના નામ ટોચ પર હોવાનું કહેવાય છે.

ભાજપે તાજેતરમાં હિમાચલ પ્રદેશ, મધ્યપ્રદેશ, ઉત્તરાખંડ, મહારાષ્ટ્ર, આંધ્રપ્રદેશ સહિત ઘણા રાજ્યોમાં નવા પ્રદેશ પ્રમુખોની નિમણૂક કરી છે. બિહાર, સિક્કિમ, ગોવા અને આસામ જેવા મહત્વપૂર્ણ રાજ્યોમાં નવા સંગઠનાત્મક વડાઓની નિમણૂક થઈ ચૂકી છે. હવે ઉત્તરપ્રદેશ સહિત બાકીના કેટલાક રાજ્યોમાં આ પ્રક્રિયા ટૂંક સમયમાં પૂર્ણ થવા જઈ રહી છે.

નવા ભાજપ પ્રમુખ અંગેનો નિર્ણય 10 થી 19 જુલાઈ વચ્ચે લેવામાં આવી શકે છે
ધ ન્યૂ ઈન્ડિયન એક્સપ્રેસે સૂત્રોને ટાંકીને જણાવ્યું છે કે પાર્ટીએ 5 નામોની પસંદગી કરી છે અને અંતિમ પસંદગી 10 થી 19 જુલાઈ વચ્ચે કરવામાં આવશે. આ નિર્ણય 21 જુલાઈથી શરૂ થનારા સંસદના ચોમાસુ સત્ર પહેલાં લેવામાં આવે તેવી અપેક્ષા છે.

સૌથી આગળ કોણ? આ 5 છે મુખ્ય દાવેદાર
1. ભૂપેન્દ્ર યાદવ
વર્તમાન કેન્દ્રીય મંત્રી અને OBC સમુદાયથી આવતા ભૂપેન્દ્ર યાદવ આ રેસમાં સૌથી આગળ માનવામાં આવે છે. તેઓ પાર્ટીના કુશળ ચૂંટણી રણનીતિકાર માનવામાં આવે છે અને મહારાષ્ટ્ર (2024), ઉત્તર પ્રદેશ (2017) અને બિહાર (2020) ચૂંટણીમાં મહત્વની ભૂમિકા ભજવી ચુક્યા છે.

એક બિહાર ભાજપ નેતાએ કહ્યું- જો ભૂપેન્દ્ર યાદવને અધ્યક્ષ બનાવવામાં આવે છે તો તે બિહાર વિધાનસભા ચૂંટણી પહેલા યાદવ સમુદાયને સાધવા માટે મહત્વનો સંદેશ હશે.

આ પણ વાંચોઃ આ સ્કીમમાં માત્ર એકવાર કરો રોકાણ, પછી દર મહિને મળશે લાખોનું પેન્શન, જાણો AtoZ માહિતી

2. મનોહર લાલ ખટ્ટર
70 વર્ષીય મનોહર લાલ ખટ્ટર પીએમ મોદીના જૂના વિશ્વાસુ સહાયક અને સ્વચ્છ છબી ધરાવતા નેતા છે. તેઓ હરિયાણાના ભૂતપૂર્વ મુખ્યમંત્રી રહી ચૂક્યા છે અને હાલમાં કેન્દ્રમાં મંત્રી તરીકે કાર્યરત છે.

1977માં RSSમાં જોડાયેલા અને 1994માં ભાજપનો ભાગ બનેલા ખટ્ટરનો 1990ના દાયકાથી મોદી સાથે સંબંધ છે. તેમની સંગઠનાત્મક સમજણ અને શિસ્તબદ્ધ કાર્યશૈલી માટે જાણીતા, ખટ્ટરને પીએમ મોદી અને સંઘ નેતૃત્વની પસંદગી માનવામાં આવે છે.

તાજેતરમાં હરિયાણામાં સત્તા પરથી દૂર થયા પછી, સંગઠનમાં તેમની નવી ભૂમિકા અંગે ઘણી ચર્ચા થઈ રહી છે. જોકે, કેટલાક વિસ્તારોમાં તેમની સામે સ્થાનિક નારાજગી પણ જોવા મળી છે.

3. ધર્મેન્દ્ર પ્રધાન
સંગઠન અને આરએસએસ સાથેના મજબૂત સંબંધોને કારણે ધર્મેન્દ્ર પ્રધાનને પણ એક મજબૂત દાવેદાર માનવામાં આવી રહ્યા છે. 55 વર્ષીય ધર્મેન્દ્ર પ્રધાનને સંગઠનના 'મૌન યોદ્ધા' માનવામાં આવે છે, જેમને પક્ષના દરેક વર્ગમાં સ્વીકૃતિ છે. ઓડિશાના વતની પ્રધાન હાલમાં કેન્દ્રીય શિક્ષણ પ્રધાન છે અને અગાઉ ઘણા મહત્વપૂર્ણ મંત્રાલયોની જવાબદારી સંભાળી ચૂક્યા છે.

4. પ્રહ્લાદ જોશી
દક્ષિણ ભારતથી આવતા જોશીને ભાજપના મિશન સાઉથનો ચહેરો બનાવી શકાય છે. તેઓ સંગઠન અને રણનીતિમાં નિપૂણ માનવામાં આવે છે.

5. નિર્મલા સીતારમણ/વાનતિ શ્રીનિવાસન
મહિલા નેતાઓના નામ પણ ચર્ચામાં છે. ભાજપના મહિલા મોર્ચાના રાષ્ટ્રીય અધ્યક્ષ અને વર્તમાનમાં કેન્દ્રીય મંત્રી નિર્મલા સીતારમણનું નામ પણ સંભવિત મહિલા ઉમેદવારોમાં સામેલ છે. આ સિવાય વાનતિ શ્રીનિવાસન પણ રેસમાં સામેલ છે. સૂત્રોના હવાલાથી તે સમાચાર સામે આવ્યા હતા કે ભાજપને પ્રથમવાર મહિલા અધ્યક્ષ મળી શકે છે.