Pilot Fees: પાયલટ બનવા શું કરવું? કેટલો ખર્ચ થાય, કઈ સંસ્થામાં મળે તાલીમ, જાણો દરેક વિગત

Pilot Courses Fees in Government College: આજના યુવાનોમાં એક સ્વપ્ન ઝડપથી પાંખો ફેલાવી રહ્યું છે - પાઇલટ બનવાનું સ્વપ્ન. ખુલ્લું આકાશ, હાઇ-સ્પીડ વિમાનો, પાઇલટનો તગડો પગાર અને દુનિયાભરમાં મુસાફરી કરવાની તક, આ કારકિર્દીની ચમક દરેકને આકર્ષે છે. પરંતુ પાઇલટ બનવું એ માત્ર એક આકર્ષક સ્વપ્ન નથી, તે એક અત્યંત તકનીકી અને જવાબદાર વ્યવસાય છે, જેની તાલીમ માટે સખત મહેનત, સમય અને પૈસા - ત્રણેયની જરૂર પડે છે. તો જો તમે પણ આકાશને તમારી કારકિર્દી બનાવવા માંગતા હો, તો અહીં જાણો પાઇલટ બનવાની ફી.

પાયલટ બનવાનો માર્ગ
ભારતમાં પાયલટ બનવા માટે બે મુખ્ય રસ્તા છે
1. કોમર્શિયલ પાયલટ લાયસન્સ  (CPL) માટે તાલીમ
2. ભારતીય વાયુસેના (IAF) ના માધ્યમથી

આ લેખ ખાસ કરી સિવિલ એવિએશન એટલે કે કોમર્શિયલ પાયલટ ટ્રેનિંગ પર કેન્દ્રીત છે.

પાયલટ ટ્રેનિંગ કોર્સ માટે યોગ્યતા
શૈક્ષણિક યોગ્યતાઃ 10+2 (ભૌતિક વિજ્ઞાન, ગણિત અને અંગ્રેજી ફરજીયાત) ઓછામાં ઓછા 50 ટકા માર્ક્સ સાથે.
ઉંમરઃ ઓછામાં ઓછી 17 વર્ષ
મેડિકલ ટેસ્ટઃ  DGCA દ્વારા માન્યતા પ્રાપ્ત Class I મેડિકલ ફિટનેસ જરૂરી
એરક્રાફ્ટમાં ફ્લાઇંગ ઓવર્સઃ CPL માટે ઓછામાં ઓછી 200 કલાકની ફ્લાઇંગ ટ્રેનિંગ (હવાઈ જહાજ ઉડાવવાનો કુલ સમય) જરૂરી હોય છે.

તાલીમ ફી કેટલી છે?
ભારતમાં પાઇલટ તાલીમનો કુલ ખર્ચ સંસ્થા, સ્થાન અને ઉડાનના કલાકોના આધારે બદલાઈ શકે છે. પરંતુ સરેરાશ, એક વિદ્યાર્થીને 35 લાખ રૂપિયાથી 55 લાખ રૂપિયા અથવા તો 1 કરોડ રૂપિયા ખર્ચ કરવા પડે છે. કેટલીક પ્રતિષ્ઠિત સંસ્થાઓમાં, આ ખર્ચ 60 લાખ રૂપિયા સુધી પણ જઈ શકે છે. સરકારી અને ખાનગી સંસ્થાઓમાં પાઇલટ તાલીમની ફી નીચે જુઓ.

આ પણ વાંચોઃ પ્લેન ક્રેશમાં બચી ગયેલા વિશ્વાસ કુમાર રમેશના સ્વાસ્થ્ય અંગે આવ્યા મોટા અપડેટ

સરકારી સંસ્થાઓના નામ અને તેમની અંદાજિત ફી
રાજીવ ગાંધી એવિએશન એકેડેમી ફોર એવિએશન ટેકનોલોજી - રૂ. 3-20 લાખ (કોર્સ પર આધાર રાખીને)
રાષ્ટ્રીય ઉડાન તાલીમ સંસ્થા - રૂ. 42 લાખ
ઇન્દિરા ગાંધી ઇન્સ્ટિટ્યૂટ ઓફ એવિએશન સાયન્સ (રાયબરેલી) - રૂ. 40-45 લાખ
ઇન્દિરા ગાંધી રાષ્ટ્રીય ઉડાન એકેડેમી - રૂ. 31 લાખ

ખાનગી તાલીમ સંસ્થામાં પાઇલટ બનવા માટે ફી
બોમ્બે ફ્લાઇંગ ક્લબ - રૂ. 34 લાખ
આઇજીઆઇએ (ઇન્દિરા ગાંધી ઇન્સ્ટિટ્યૂટ ઓફ એરોનોટિક્સ) - રૂ. 1 થી 2 લાખ
કાર્વર એવિએશન એકેડેમી - રૂ. 5 થી 45૫ લાખ (કોર્સ પર આધાર રાખીને)

લોન અને સ્કોલરશિપઃ મોટી સંખ્યામાં વિદ્યાર્થીઓ એજ્યુકેશન લોન લઈને પાયલટની તાલીમ લેતા હોય છે. ઘણી બેંકો અને NBFCs તરફથી એવિશેન કોર્સ માટે લોન આપવામાં આવે છે, જે 7-12% વ્યાજદર હોય છે. કેટલીક ખાનગી સંસ્થા પોતાના સ્તર પર મોટા ડેડેટ પ્રોગ્રામ કે ફાઈનાન્સ સ્કીમ પણ ઓફર કરે છે.