સસ્તામાં હવાઈ મુસાફરી, માત્ર 1199 રૂપિયામાં ફ્લાઇટ ટિકિટ, 5000 રૂપિયાથી ઓછા ખર્ચે વિદેશ જવાની તક

IndiGo Getaway Sale : ઇન્ડિગો એક ખાસ સેલ લઈને આવ્યું છે. ગેટવે સેલ નામના મર્યાદિત સમયના ડિસ્કાઉન્ટ સેલમાં ઇન્ડિગો દેશ અને વિદેશમાં પસંદગીના રાષ્ટ્રીય અને આંતરરાષ્ટ્રીય રૂટ પર ખાસ વન-વે ભાડું લાવી છે, સાથે જ તે એડ-ઓન્સ પર પણ ખાસ ડિસ્કાઉન્ટ આપી રહી છે. આ સેલ આજથી શરૂ થયો છે અને 6 જૂન સુધી ચાલવાનો છે. તમે વોટ્સએપ અથવા ટ્રાવેલ પાર્ટનર દ્વારા ફ્લાઇટ ટિકિટ બુક કરી શકો છો. 

ઇન્ડિગો ગેટવે સેલમાં ફ્લાઇટની ટિકિટ કેટલાથી શરૂ થાય છે ?

ઇન્ડિગોના આ ગેટવે સેલમાં તમે 1,199 રૂપિયાના કિંમતે ભાવે ડોમેસ્ટિક ફ્લાઇટ ટિકિટ બુક કરાવી શકો છો. તો આંતરરાષ્ટ્રીય ફ્લાઇટ ટિકિટ 4,599 રૂપિયાના શરૂઆતી કિંમતે બુક કરી શકાય છે.

ઇન્ડિગો ગેટવે સેલમાં એડ-ઓન્સ પર પણ ખાસ ડિસ્કાઉન્ટ 

• ડોમેસ્ટિક માટે પ્રી-પેઇડ એક્સ્ટ્રા બેગેજ પર 50% સુધીનું ડિસ્કાઉન્ટ અને ઇન્ટરનેશનલ સેક્ટર માટે 15 કિલો, 20 કિલો અને 30 કિલો પર 20% ડિસ્કાઉન્ટ છે.
• પ્રી-બુક કરેલા ભોજન પર 20% ડિસ્કાઉન્ટ આપવામાં આવી રહ્યું છે.
• ફાસ્ટ ફોરવર્ડ પર 50% સુધીનું ડિસ્કાઉન્ટ આપવામાં આવી રહ્યું છે.
• ડોમેસ્ટિક સેક્ટર માટે ઇમરજન્સી XL (એક્સ્ટ્રા લેગરૂમ) સીટ રૂપિયા 500થી શરૂ થાય છે.
• ઝીરો કેન્સલેશન પ્લાન માત્ર રૂપિયા 299માં છે.

આ ઓફર ફક્ત નોન-સ્ટોક, મલ્ટી-સિટી અને કનેક્ટિંગ ફ્લાઇટ્સ પર જ લાગુ પડે છે.

આ રૂટ્સની ટિકિટ બુકિંગ પર ડિસ્કાઉન્ટ 

મુંબઈ-વડોદરા, મુંબઈ-છત્રપતિ સંભાજી નગર, મુંબઈ-વિજયવાડા, દિલ્હી-ગ્વાલિયર, મુંબઈ-હુબલી, દિલ્હી-પંતનગર, દેવઘર-કોલકાતા, દીવ-અમદાવાદ, કડપા-હૈદરાબાદ, ગોંદિયા-હૈદરાબાદ, સુરત-દીવ, અમદાવાદ-દીવ, દીવ-સુરત, કોલકાતા-દેવઘર, ચંદીગઢ-ધરમશાલા, બેંગલુરુ-સાલેમ, સાલેમ-હૈદરાબાદ, કડપા-ચેન્નઈ, કડપા-વિજયવાડા 1,199 રૂપિયામાં બુક કરાવી શકાય છે. તેવી જ રીતે તિરુચિરાપલ્લી-જાફના, જાફના-તિરુચિરાપલ્લીની ટિકિટ 4,599 રૂપિયામાં બુક કરાવી શકાય છે.

ઈન્ડિગો ગેટવે સેલ ક્યાં સુધી છે ?

આ મર્યાદિત સમયનો સેલ છે. આ સેલ હેઠળ ટિકિટ બુકિંગ 4 જૂન 2025થી શરૂ થઈ ગયું છે. આ સેલમાં 6 જૂન 2025ની મધ્યરાત્રિ 23.59 વાગ્યા સુધી ટિકિટ બુક કરાવી શકાય છે. તમે આ ખાસ સેલ દ્વારા ટિકિટ બુક કરાવી શકો છો અને 12 જૂન 2025થી 24 સપ્ટેમ્બર 2025ની વચ્ચે ગમે ત્યારે મુસાફરી કરી શકો છો. જો તમે આ સમય દરમિયાન મુસાફરી કરવાનું આયોજન કરી રહ્યા છો, તો તમે તમારી સુવિધા મુજબ ટિકિટ બુક કરાવી શકો છો.