Gold Rate Today: આજે પણ સોનાનો ભાવમાં નોંધપાત્ર વધારો, અચાનક કેમ કૂદાકૂદ કરી રહ્યું છે સોનું? જાણો કારણો અને આજનો લેટેસ્ટ રેટ

શેર બજારથી લઈને ગોલ્ડ માર્કેટ સુધી ભારે હલચલ જોવા મળી રહી છે. સોનાની ભાવમાં આજે તેજી જોવા મળી રહી છે. ગ્લોબલ માર્કેટમાં સોનાએ  $3,024નો નવો રેકોર્ડ હાઈ સ્પર્શ કર્યો છે. જ્યારે ઘરેલુ બજારમાં MCX પર સોનાના ભાવ ₹88,418ના રેકોર્ડ સ્તર પર પહોંચ્યા છે. આ વર્ષે સોનું અત્યાર સુધીમાં 14 ટકાથી વધુ ચડી ગયું છે. જ્યારે ગત એક વર્ષમાં તેમાં લગભગ 35% ની તેજી નોંધાઈ છે. જ્યારે ચાંદી પણ રેકોર્ડ હાઈ નજીક પહોંચી ગઈ છે. ઘરેલુ બજારમાં ચાંદી ₹1,01,000 પાર પહોંચી ચૂકી છે. જ્યારે MCX પર તેનો રેકોર્ડ હાઈ ₹1,04,072 પર નોંધાયું. 

ચાંદીમાં પણ રેકોર્ડ તેજી
ચાંદીમાં પણ જબરદસ્ત તેજી જોવા મળી રહી છે. MCX પર ચાંદી ₹1,04,072 ના રેકોર્ડ સ્તર પર પહોંચી ગઈ, જ્યારે કોમેક્સ પર ચાંદી $34 પ્રતિ ઔંસ પર કારોબાર કરી રહી છે. વૈશ્વિક અનિશ્ચિતતાઓ વચ્ચે રોકાણકારો ચાંદીને પણ સોનાની જેમ સુરક્ષિત સંપત્તિ તરીકે જોઈ રહ્યા છે. એટલું જ નહીં ઈલેક્ટ્રોનિક્સ, સોલર ઉર્જા અને અન્ય ઈન્ડસ્ટ્રીયલ સેક્ટર્સમાં ચાંદીની વધતી માંગણીએ પણ તેના ભાવોને સપોર્ટ કર્યો છે. જ્યારે નબળો ડોલર અને દુનિયાના વિવિધ દેશોની સરળ મોનેટરી પોલીસીઓએ ચાંદીના ભાવને વધારવામાં મદદ કરી છે. 

શરાફા બજારમાં ભાવ
ઈન્ડિયા બુલિયન એન્ડ જ્વેલર્સ એસોસિએશન (India Bullion And Jewellers Association) ની અધિકૃત વેબસાઈટ ibjarates.com ના રેટ્સ જોઈએ તો 999 પ્યોરિટીવાળું 10 ગ્રામ સોનું આજે 155 રૂપિયા ઉછળીને 88256 રૂપિયાની આસપાસ પહોંચી ગયું છે. જે કાલે 88101 રૂપિયા પર ક્લોઝ થયું હતું. જ્યારે ચાંદી 162 રૂપિયા ઉછળીને 99,929 રૂપિયા પ્રતિ કિલોગ્રામની સપાટીએ પહોંચી છે જે કાલે 99,767 રૂપિયા પર ક્લોઝ થઈ હતી. 

#Gold and #Silver Opening #Rates for 18/03/2025

For more details contact: Saurabh +91 9004120120 / 022-23426971 / 022-23427459

Follow us on Twitter : https://t.co/lXovVzctug

Follow us on Instagram : https://t.co/ZOr2uGknFc

Follow us on Facebook : https://t.co/9tJn5720rk… pic.twitter.com/1V50KDvsB7

— IBJA (@IBJA1919) March 18, 2025

રિટેલ ભાવ પર ફેરવો નજર

#indicative #Retail Selling #Rates for #Jewellery
To get these rates on your phone give a missed call on - 8955664433

For more details contact: Saurabh +91 9004120120 / 022-23426971 / 022-23427459

Follow us on Twitter : https://t.co/lXovVzctug

Follow us on Instagram :… pic.twitter.com/sVlRWIabDe

— IBJA (@IBJA1919) March 18, 2025

કેમ મોંઘુ થઈ રહ્યું છે સોનું?

1. ટેરિફ વોર અને જીયો પોલિટિક્સ તણાવ
અમેરિકા અને ચીન વચ્ચે વધતા વ્યાપારિક તણાવ અને વૈશ્વિક અનિશ્ચિતતાઓને કારણે સુરક્ષિત રોકાણ તરીકે સોનાની માંગણી વધી રહી છે. 

2. નબળો ડોલર
અમેરિકામાં ડોલરમાં નબળાઈ આવી છે જેનાથી ગોલ્ડના ભાવને સપોર્ટ મળી રહ્યો છે. ડોલરના નબળા થવા પર રોકાણકારો સુરક્ષિત રોકાણના વિકલ્પ તરીકે સોના તરફ વળે છે. 

3. સેન્ટ્રલ બેંકોની ખરીદી
દુનિયાભરની કેન્દ્રીય બેંકો પોતાના વિદેશી મુદ્રા ભંડારમાં સોનાની ભાગીદારી વધારી રહી છે. તેનાથી સોનાના ભાવને મજબૂતી મળી રહી છે. 

4. ઈન્ફ્લેશન હેજિંગ ટૂલ
વધતી મોંઘવારી વચ્ચે રોકાણકારો સોનાને સુરક્ષિત રોકાણનો વિકલ્પ માની રહ્યા છે. જેનાથી તેના ભાવોમાં તેજી આવી છે. 

Disclaimer
અત્રે નોંધનીય છે કે ઈન્ડિયા બુલિયન એન્ડ જ્વેલર્સ એસોસિએશન તરફથી બહાર પાડવામાં આવતા ભાવથી અલગ અલગ પ્યોરિટીવાળા સોનાના સ્ટાન્ડર્ડ ભાવની જાણકારી મળે છે. આ તમામ ભાવ ટેક્સ અને મેકિંગ ચાર્જ પહેલાના છે. IBJA દ્વારા જારી કરેલા રેટ દેશભરમાં માન્ય છે. પરંતુ તેની કિંમતોમાં GST સામેલ હોતો નથી. ગ્રાહકે ઘરેણા ખરીદતી વખતે જે કિંમત ચૂકવવાની હોય છે તે ટેક્સ સહિત હોવાથી વધુ હોય છે. એસોસિએશન દ્વારા સવાર અને સાંજ એમ બેવાર ભાવ જાહેર કરવામાં આવે છે. આ ઉપરાંત ભાવમાં મેકિંગ ચાર્જ પણ સામેલ નથી. એસોસિએશનના નવા ભાવ જાહેર રજાઓના દિવસે જાહેર કરાતા નથી. (શનિવાર, રવિવાર અને જાહેર રજાઓ)