યુરિક એસિડની સમસ્યા અચાનક વધારી દેશે આ 5 આદતો, નબળા પડી જશે મજબૂત હાડકા

Risk of Uric Acid: આજકાલ યુરિક એસિડની સમસ્યા ખૂબ જ સામાન્ય બની ગઈ છે. જ્યારે શરીરમાં યુરિક એસિડ વધે છે, ત્યારે તે સાંધામાં જમા થવા લાગે છે, જેના કારણે દુખાવો અને સોજો આવે છે. તેને ગાઉટ પણ કહેવામાં આવે છે. જો તેનું ધ્યાન રાખવામાં ન આવે તો તે આપણા હાડકાંને પણ નબળા બનાવી શકે છે. ચાલો જાણીએ 5 એવી આદતો જે યુરિક એસિડ ઝડપથી વધારી શકે છે.

1. ખૂબ લાંબા સમય સુધી બેસવું અથવા ઓછું હલનચલન કરવું
જો તમે કલાકો સુધી એક જગ્યાએ બેસો છો અને કોઈ શારીરિક કાર્ય કરતા નથી, તો આ યુરિક એસિડ વધવાનું એક મુખ્ય કારણ હોઈ શકે છે. શરીરમાં ઓછી હિલચાલને કારણે, લોહીનો પ્રવાહ ધીમો પડી જાય છે અને યુરિક એસિડ યોગ્ય રીતે બહાર નીકળી શકતું નથી. દર કલાકે થોડી વાર ઉઠીને ચાલવાનો પ્રયાસ કરો.

2. ઓછું પાણી પીવું
પાણી આપણા શરીર માટે ખૂબ જ મહત્વપૂર્ણ છે. તે શરીરમાંથી ગંદકી અને ખરાબ વસ્તુઓને બહાર કાઢવામાં મદદ કરે છે, જેમાં યુરિક એસિડનો પણ સમાવેશ થાય છે. જો તમે પૂરતું પાણી પીતા નથી, તો યુરિક એસિડ પેશાબ દ્વારા બહાર નીકળી શકતું નથી અને શરીરમાં જમા થવા લાગે છે. દિવસમાં ઓછામાં ઓછું 8-10 ગ્લાસ પાણી પીવો.

3. ખાસ પ્રકારનું ભોજન
કોઈક ખાવાની વસ્તુ એવી હોય છે જેમાં પ્યુરિન નામનું પદાર્થ વધુ હોય છે. જ્યારે શરીર પ્યુરિનને પચાવે છે તો તે યુરિક એસિડ બને છે. લાલ માંસ, સમુદ્રી ભોજન (માછલી, ઝીંગા) અને કેટલીક દાળ યુરિક એસિડ વધારે છે. જો તમને યુરિક એસિડની સમસ્યા છે તો આ વસ્તુનું ઓછું સેવન કરો.

આ પણ વાંચોઃ ક્યારેય નહીં વધે સુગર લેવલ, મહર્ષિ ચરકે 5000 વર્ષ પહેલા જણાવી દીધો હતો ઇલાજ

4. દારૂ અને ખાંડવાળી વસ્તુ
દારૂ, ખાસ કરી બીયર અને સુગરવાળા સોફ્ટ ડ્રિંક યુરિક એસિડ ઝડપથી વધારે છે. આવા તત્વો શરીરમાં યુરિક એસિડ બનાવવાની પ્રક્રિયા ઝડપી બનાવે છે અને તેને બહાર નીકળવામાં પણ સમસ્યા થાય છે. તેથી આવા ડ્રિંક્સથી દૂર રહો.

5. ઊંઘ પૂરી ન કરવી
ઊંઘ આપણા શરીર માટે સૌથી વધુ જરૂરી છે. જો તમે ઓછું સૂવો અને ઊંઘ પૂરી ન થાય તો તેનાથી શરીરમાં તણાવ વધે છે અને તે યુરિક એસિડ વધારી શકે છે. એટલે દરરોજ રાત્રે 7-8 કલાક ઊંઘવાનો પ્રયાસ કરો.

તમે આ આદતો બદલી તમારી યુરિક એસિડની સમસ્યાને ઠીક કરી શકો છો. એક સ્વસ્થ જીવનશૈલી અપનાવી તમે ન માત્ર યુરિક એસિડનું લેવલ વધારવાથી રોકો છો પરંતુ તમારા હાડકાને મજબૂત રાખી શકો છો. જો તમને યુરિક એસિડની સમસ્યા છે તો ડોક્ટરની સલાહ જરૂર લો.

Disclaimer: પ્રિય પાઠક, અમારા આ સમાચાર વાંચવા માટે આભાર. આ સમાચાર તમને જાગરૂત કરવાના ઈરાદાથી લખવામાં આવ્યા છે. અમે તેને લખવામાં ઘરેલુ નુસ્ખા અને સામાન્ય જાણકારીની મદદ લીધી છે. તમે સ્વાસ્થ્ય સાથે જોડાયેલા કોઈ ઉપાય અજમાવતા પહેલા ડોક્ટરની સલાહ લો.