માધબી પુરી બૂચ સામે FIR પર SEBIનું નિવેદન, કહ્યું- કોર્ટના આદેશને પડકારાશે

SEBI Statement on Madhabi Puri Buch FIR: એક સ્પેશિયલ કોર્ટે ભ્રષ્ટાચાર વિરોધી બ્યુરો (ACB)ને શેરબજાર નિયામક સેબીના ભૂતપૂર્વ અધ્યક્ષ માધાબી પુરી બુચ અને અન્ય પાંચ અધિકારીઓ સામે કથિત શેરબજાર છેતરપિંડી અને નિયમોના ઉલ્લંઘનના સંબંધમાં કેસ નોંધવાનો નિર્દેશ આપ્યો છે. આ એક કંપનીના BSEમાં લિસ્ટિંગ માટે મંજૂરી આપવાનો મામલો છે. આરોપ એવો હતો કે, સેબીના નિયમોનું પાલન કર્યા વિના લિસ્ટિંગને મંજૂરી આપવામાં આવી હતી. સેબીએ ACB કોર્ટના આદેશ પર સ્પષ્ટતા જાહેર કરી છે. સેબીએ તેના સ્પષ્ટીકરણમાં કહ્યું કે, આ મામલો 1994નો છે. સેબીને પક્ષ રાખવામાં કોઈ પણ તક આપવામાં આવી ન હતી.

સેબીને ના આપવામાં આવી તક
સેબીએ જણાવ્યું હતું કે, તે 'આ આદેશને પડકારવા માટે યોગ્ય કાયદાકીય પગલાં લેશે અને તમામ મામલામાં નિયમોનું કડક પાલન સુનિશ્ચિત કરવા માટે પ્રતિબદ્ધ છે.' સેબીના પૂર્વ અધ્યક્ષ, સેબીના ત્રણ વર્તમાન સભ્યો અને BSEના બે અધિકારીઓ સામે મુંબઈની ACB કોર્ટમાં એક અરજી દાખલ કરવામાં આવી હતી. જો કે, આ અધિકારીઓ તે સમયે પોતપોતાના હોદ્દા પર ન હતા, પણ કોર્ટે કોર્ટ કોઈપણ નોટિસ જારી કર્યા વગર અથવા સેબીને તથ્યો રેકોર્ડ પર મૂકવાની કોઈ તક આપ્યા વિના અરજીને મંજૂરી આપવામાં આવી હતી.

ફરિયાદી પર લગાવી ચૂક્યા છે દંડ
સેબીના નિવેદન અનુસાર "અરજદારને નજીવી બાબતો પર અને અવારનવાર કેસ કરનારના તરીકે ઓળખાઈ છે, જેની અગાઉની અરજીઓને કોર્ટ દ્વારા નકારી કાઢવામાં આવી હતી. કેટલાક મામલાઓમાં દંડ પણ લગાવવામાં આવ્યો હતો." કોર્ટે પોતાના આદેશમાં કહ્યું છે કે, "આરોપોથી એવા ગુના ઉજાગર થાય છે જેના પર પોલીસ વોરંટ વિના કાર્યવાહી કરી શકે છે, તેથી તેની તપાસ જરૂરી છે. પ્રથમ દૃષ્ટિએ નિયમોની અજ્ઞાનતા અને મિલીભગતના પુરાવા છે, તેથી તેની તપાસ કોઈપણ પક્ષપાત વિના થવી જોઈએ."

30 દિવસમાં માંગ્યો રિપોર્ટ 
કોર્ટના જણાવ્યા અનુસાર 'કાયદા અમલકર્તાઓ અને સેબી તરફથી કોઈ કાર્યવાહી ન થાય તો, CrPCની કલમ 156(3) હેઠળ કોર્ટને હસ્તક્ષેપ કરવાની જરૂર છે. આરોપોની ગંભીરતા, લાગુ કાયદા અને સ્થાપિત કાયદાકીય દાખલાઓને ધ્યાનમાં રાખીને, આ કોર્ટ તેને યોગ્ય માને છે.' કોર્ટે કહ્યું કે, તે તપાસ પર નજર રાખશે અને 30 દિવસની અંદર સ્ટેટસ રિપોર્ટ (કેસનો) માંગ્યો છે.

સેબીના પૂર્વ ચેરમેન બુચ ઉપરાંત અન્ય અધિકારીઓ સામે કોર્ટે એફઆઈઆર નોંધવાનો આદેશ આપ્યો છે તેમાં BSEના મેનેજિંગ ડિરેક્ટર અને CEO સુંદરરામન રામામૂર્તિ, તેના તત્કાલીન અધ્યક્ષ અને જાહેર હિતના ડિરેક્ટર પ્રમોદ અગ્રવાલ અને સેબીના ત્રણ સંપૂર્ણ સમયના સભ્યો અશ્વિની ભાટિયા, અનંત નારાયણ જી અને કમલેશ ચંદ્ર વાષ્ણેય સામેલ છે.